Say 'No' to Suicide

 സുഹൃത്തുക്കളെ, ഇന്നത്തെ തലമുറ വിജ്ഞാനം കൊണ്ട് പ്രഭുദ്ധർ ആണെങ്കിലും,  ജീവിതത്തിൽ പ്രശ്നങ്ങൾ  വരുമ്പോൾ അത് ധൈര്യപൂർവ്വം നേരിടാനുള്ള കഴിവ് ഇല്ലാത്തവർ ആണെന്ന് ഓരോ ആത്മഹത്യയും തെളിയിക്കുന്നു.

പ്രണയനൈരാശ്യവും,കടകെണിയും,ആരോഗ്യപ്രശ്നങ്ങളും, ഭയവും കാരണം ദിവസേന ആത്മഹത്യ ചെയുന്നവരുടെ എണ്ണം വർധിച്ചു വരുന്നു. ഒരു നിമിഷം കൊണ്ടു ജീവിതം അവസാനിപ്പിച്ചു നിങ്ങളെ സ്നേഹിക്കുന്നവരിൽ നിന്നും വിടവാങ്ങുമ്പോൾ, നിങ്ങളുടെ ആ തീരുമാനം കൊണ്ട് ഏറ്റവും അധികം വേദന  അനുഭവിക്കുന്നവരെകുറിച്ച് നിങ്ങൾ ആലോചിക്കാറില്ല.

 പ്രശ്നങ്ങൾ ഇല്ലാത്തവർ ആയി ഭൂമിയിൽ ആരും തന്നെ ഇല്ല. നിങ്ങളുടെ ജീവിതത്തിലെ  നഷ്ടങ്ങളെകുറിച്ച് ആലോചിക്കും മുൻപ് ഒരു നിമിഷം കണ്ണുകൾ അടച്ച്  ഈശ്വരൻ തന്ന  സൗഭാഗ്യങ്ങളെകുറിച്ച്    

ആലോചിക്കാം. ആദ്യം നിങ്ങളുടെ മനസ്സിൽ വരുന്നത്  മാതാപിതാക്കൾ തന്നെ. അവർ നിങ്ങളെ കഷ്ടപ്പെട്ട് വളർത്തി. അവരെകൊണ്ട് ആവും വിധം നിങ്ങളെ സന്തോഷിപ്പിച്ചു. സ്വന്തം മക്കൾ എന്നെങ്കിലും ഒരുനാൾ അവർക്ക് തണലാവും എന്ന് അവർ വിശ്വസിച്ചു. പക്ഷേ, നിങ്ങൾ എന്താണ് അവർക്ക് വേണ്ടി ചെയ്തത് ? 

 ജീവിതത്തിൽ എന്തെങ്കിലും പ്രശ്നം വരുമ്പോളേക്കും ആത്മഹത്യയെ കുറിച്ച് ആലോചിക്കുന്നവരോട് ഒന്നേ പറയാനുള്ളു. ആ നിമിഷം കണ്ണുകൾ അടച്ച് മാതാപിതാക്കളെ ഒന്നോർക്കുക. എനിക്ക് ഉറപ്പുണ്ട്. നിങ്ങൾക്ക് ആത്മഹത്യ ചെയ്യാൻ ആവില്ല. "ഈ സമയവും കടന്നു പോകും"

Watch video