Love.. A Double Edged Weapon...

     പ്രണയം... അതൊരു പ്രതേകതരം അനുഭൂതി തന്നെയാണ്. ഒരേ സമയം പ്രണയത്തിനു അമൃത് ആവാനും, വിഷം ആവാനും സാധിക്കും. അതാണ്‌ ഈ മനുഷ്യ വികാരത്തിന്റെ ഏറ്റവും വലിയ പ്രത്യേകത. പ്രണയത്തെക്കുറിച്ച് എഴുത്തുകാർ അവരുടെ കവിതകളിലൂടെയും,  കഥകളിലൂടെയും, നോവലുകളിലൂടെയും പ്രതിപാദിക്കാറുണ്ട്. പക്ഷേ, വർത്തമാന കാലത്തിൽ പ്രണയം ഒരു സാമൂഹിക വിപത്തായി മാറി കൊണ്ടിരിക്കുന്നു.

                     ഇന്നത്തെ തലമുറ സാങ്കേതികവിദ്യകൾ കൈകാര്യം ചെയുന്നതിൽ അസാമാന്യ കഴിവ്  ഉള്ളവരാണ്. ഈ കഴിവ് ചില സന്ദർഭത്തിൽ  അവർ ദുരുപയോഗം ചെയ്യുന്നു.           

സാമൂഹിക മാധ്യമങ്ങളിലൂടെ അവർ തമ്മിൽ പരിചയപ്പെടുന്നു. നേരിട്ട് തമ്മിൽ കണ്ടില്ലെങ്കിലും, അന്യോന്യം ചിത്രങ്ങൾ പങ്കുവെച്ചും, സംസാരിച്ചും അവർ അടുക്കുന്നു. മാതാപിതാക്കൾ എത്ര തന്നെ  ശ്രെദ്ധിച്ചാലും മൊബൈലിന്റെ ഉപയോഗത്തിൽ നിയന്ത്രണം കൊണ്ടുവരാൻ സാധിക്കാറില്ല. ഇതിൽ ഏറ്റവും കൂടുതൽ ഇരകൾ ആവുന്നത് കൗമാരക്കാർ തന്നെയാണ്.    

ഇതുവരെ കണ്ടിട്ടില്ലാത്ത ഒരുത്തന്റെ കൂടെ അവൾ ഇറങ്ങി പോകുന്നു. അവൾ പോലും അറിയുന്നില്ല. അവൾ ഏറ്റവും വലിയ ചതിക്കുഴിയിലാണ് അകപ്പെടുന്നത് എന്ന്. പക്ഷേ, ആ ചതി മനസ്സിലാക്കും മുൻപ് അവൾക്ക് എല്ലാം നഷ്ടപെട്ടിരിക്കും. ഇതാണ് ഒരു വിഭാഗം... 

                ചിലർ ആത്മാർത്ഥമായി പ്രണയിക്കുന്നവർ ആയിരിക്കാം. കുറേക്കാലം അവർ അതുമായി മുന്നോട്ടു പോകും.          പെൺകുട്ടികൾക്ക് ഏറ്റവും വലിയ ഭലഹീനത  അവരുടെ കുടുംബം തന്നെയാണ്. പ്രണയിക്കുന്ന        സമയത്ത് ഇതൊന്നും ചിലപ്പോൾ അവർ ആലോചിക്കാറില്ല. പക്ഷേ, അവൾക്ക് വേറൊരു വിവാഹം ആലോചിക്കുമ്പോൾ സ്വന്തം പ്രണയം മാതാപിതാക്കളോട് പറയുമെങ്കിലും, അത് അവർ സ്വീകരിച്ചു എന്ന് വരില്ല. പ്രണയത്തെ എതിർക്കുകയും, അവരുടെ വേദനകൾ പറഞ്ഞ് വേറൊരു വിവാഹത്തിന് അവളെ നിർബന്ധിച്ച് സമ്മതിപ്പിക്കുകയും ചെയ്യുന്നു. മാതാപിതാക്കളുടെ വേദന തട്ടിക്കളയാൻ ആവാതെ അവൾ അതിന് വഴങ്ങുന്നു. 

ഈ സന്ദർഭങ്ങളിൽ അവളെ പ്രണയിച്ചവന്റെ അവസ്ഥ ആലോചിച്ചു നോക്കുക. ചിലർ മദ്യത്തിനും, മയക്കു മരുന്നിനും അടിമപ്പെടുന്നു. ചിലർ വേദന സഹിക്കാൻ ആവാതെ ആത്മഹത്യ ചെയ്യുന്നു. ചിലർ താൻ പ്രണയിച്ചവളെ തന്നെ അപകടപെടുത്താനോ, ഇല്ലാതാക്കാനോ നോക്കുന്നു... 

ഇനി ചിലർ മാതാപിതാക്കൾ എതിർക്കും നേരം ഒളിച്ചോടി വിവാഹം ചെയ്യുന്നു. മറ്റു ചിലർ മാതാപിതാക്കൾ എതിർത്താലും അവർ സമ്മതിക്കും വരെ കാത്തിരുന്ന് വിവാഹം ചെയ്യുന്നു. ഇങ്ങനെ പോകുന്നു ഇന്നത്തെ പ്രണയം... 

    ഒരു പെൺകുട്ടി പ്രണയിക്കുന്നതിന് മുൻപ് ഒരു നൂറുവട്ടം എങ്കിലും ആലോചിചേ മതിയാവൂ. സ്വന്തം മാതാപിതാക്കളെ തന്റെ പ്രണയം പറഞ്ഞു സമ്മതിപിക്കാൻ ഉറപ്പ് ഉണ്ടെങ്കിൽ മാത്രം പ്രണയിക്കുക. ഇല്ലെങ്കിൽ നിങ്ങൾ വഞ്ചിക്കുന്നത് മാതാപിതാക്കളെ മാത്രമല്ല, നിങ്ങൾ      പ്രണയിക്കുന്നവനെ കൂടിയാണ്.  ഇനി അഥവാ പ്രണയിച്ചവന്റെ കൂടെ ഒളിച്ചോടാനാണ് തീരുമാനം എങ്കിൽ ഒന്ന് ആലോചിക്കുക. ഓർമവെച്ച കാലം തൊട്ട് നിങ്ങൾ കണ്ടുവളർന്നത് മാതാപിതാക്കളെയാണ്. ഒരുപാട് പ്രതീക്ഷകളും, സ്വപ്നങ്ങളും അവർക്ക്  നിങ്ങളെ കുറിച്ച് ഉണ്ടായിരുന്നു. ഒരു നിമിഷം കൊണ്ട് അതെല്ലാം ഇല്ലാതാക്കി നിങ്ങൾ പോവുമ്പോൾ അവരെ നിങ്ങൾ ക്രൂരമായി കൊല്ലുക തന്നെയാണ്. പിന്നെയുള്ള അവരുടെ ജീവിതം എന്തായിരിക്കും...   

അപമാനം കൊണ്ട് ഓരോ നിമിഷവും മറ്റുള്ളവർക്ക് മുൻപിൽ തല താഴ്ത്തേണ്ടി വരുന്ന അവരെക്കുറിച്ച് ആലോചിക്കൂ..  

            നിങ്ങൾ എപ്പോഴെങ്കിലും മാതാപിതാക്കളെ ആത്മാർത്തമായി സ്നേഹിച്ചിരുന്നു എങ്കിൽ നിങ്ങൾക്ക് അവരെ വേദനിപ്പിക്കാൻ ആവുമോ ? ഏറ്റവും കഠിനമായ വേദനയാണ് അമ്മയുടെ പ്രസവവേദന. അത് നിങ്ങൾക്ക് വേണ്ടി സഹിച്ച അമ്മയെ വേദനിപ്പിച്ച് പോയാൽ നിങ്ങളുടെ ജീവിതത്തിൽ സമാധാനം ഉണ്ടാവുമോ ? 

                 പ്രണയം ഒരിക്കലും തെറ്റായ വികാരം അല്ല. എല്ലാവരുടെയും ജീവിതത്തിൽ ഉണ്ടാവും ഒരു പ്രണയം. വിരഹവേദന അറിയാത്തവരുടെ മനസ്സ് കല്ലിനു സമാനമാണ് എന്ന് കവി വാക്യം പോലുമുണ്ട്. ആത്മാർത്ഥ പ്രണയത്തിൽ ഒരു സത്യം ഉണ്ട്. പക്ഷേ, വർത്തമാന കാലത്തിലെ പ്രണയബന്ധങ്ങൾക്ക് ആ സത്യം ഉണ്ടോ എന്ന് സംശയം തന്നെയാണ്. 

ചിലർ അതിനെ വെറുമൊരു നേരംപോക്കായി കാണുന്നു. ചിലർ അതിന്റെ പേരിൽ ജീവിതം നശിപ്പിക്കുന്നു. ജീവിതത്തിൽ നിങ്ങൾ ഒരു തീരുമാനം എടുക്കുമ്പോൾ ആലോചിക്കേണ്ടത് നിങ്ങളെക്കുറിച്ച് മാത്രമല്ല. നിങ്ങളുടെ ആ തീരുമാനം കൊണ്ട് വേദന അനുഭവിക്കേണ്ടി വരുന്നവരെക്കുറിച്ചും ആലോചിക്കുക. ഈ ലോകത്ത്‌ ഏറ്റവും നിർമലവും, സ്വാർത്ഥത ഇല്ലാത്തതുമായ സ്നേഹം മാതാപിതാക്കളുടെ തന്നെയാണ്. അതിനേക്കാൾ വലിയ പ്രണയം നിങ്ങൾക്കുണ്ടെങ്കിൽ അവരെ വേദനിപ്പിക്കാതെ, പറഞ്ഞു മനസ്സിലാക്കി, അവരുടെ സമ്മതത്തോടെ വിവാഹം ചെയ്ത് ഒരുമിച്ച് ജീവിക്കുക... 

Prove that Love is Divine with your Life.. 

Watch video